اسمائے حسنیٰ کا پہلا طریقہ اور اس کے فائدے
سورۂ حشر کی آخری دو آیات کے اسماء میں توحید‘ اخلاص ‘ ایمان اور حصول نور یقین کے اسرار پوشیدہ ہیں۔ ان کے ذاکر کو اعلیٰ مقامات حاصل ہوتے ہیں اور دل زندہ ہوتا ہے نیز اطاعت الٰہی کی جانب رغبت ہوتی ہے اور اس کی عنایتیں بندہ کو ملتی ہیں۔ہروقت بکثرت اس کی تلاوت کی جائے۔
تین اسماء کے فائدے
اللہ‘ الٰہ‘ رب بعض مقربان الٰہی اپنی خلوتوں میں اس ذکر سے انس حاصل کرتے ہیں اور اللہ تعالیٰ کے لاہوتی انوار اور ربوبی عظمت سے مدد لیتےہیں اور یہ امداد ان میں انتہائی عجز و انکساری اللہ کے حضور پیدا کرتی ہے۔ ذکر لا الہ الا ہو اہل سلوک کا افضل ترین ذکر ہے جو شخص یہ ذکر کرتا ہے اس پر خاص برکت نازل ہوتی ہے اللہ تعالیٰ ہر بھلائی اس کو دیتا اور ہر برائی سے اس کو بچاتا ہے جو شخص بہت موٹا ہوگیا ہو وہ حرکت سے معذور ہو‘ یہ ذکر کرنے والا اس ذکر سے اپنے بدن میں کمی اور ہلکا پن محسوس کریگا۔
بخار کا علاج اور جنات سے حفاظت
جس کو جن ستاتے ہوں وہ اوپر دئیے ہوئے اسماء کو اپنے پاس رکھے تو جن جل جائیں اور بخار فوراً اتر جائیگا اگر تانبے کی تختی پر کندہ کریں اور پانی سے دھوکر پئیں تو بہت جلد آرام ہوگا۔
قبولیت دعا کا مؤثر عمل
دو رکعت نماز پڑھ کر اللہ تعالیٰ سے ان تین اسماء کے طفیل میں ایک گھنٹہ تک اس طرح سے دعا کرے یَااَللّٰہُ یَااِلٰہَ یَارَبُّ تو عظیم نور اس پر ظاہر ہوں گے اور اس کے دل کی آنکھ کھل جائے گی اور ہر دینی اور دنیاوی دعا قبول ہوگی۔
اسم   رَحْمٰنُ    وَ رَحِیْم کے اسرار
یہ دو نام رَحْمٰنُ وَرَحِیْم بہت بڑے ہیں۔ ان کے اعداد سے اسرار رحمت دلوں پر نازل ہوتے ہیں جس کسی کا دل سخت ہو اور نرم نہ ہوتا ہو وہ ان کا ذکر کرے۔ خداتعالیٰ اس کے قلب کو نرمی میں بدل کر دے گا اور اس کا دل اطاعت و عبادت الٰہی کی طرف متوجہ ہوگا جو شخص کسی ظالم کے سامنے دن دونوں اسماء کا ذکر کرے تو اللہ تعالیٰ اس ظالم کا دل نرم کردے گا اور اس کے شر سے محفوظ رکھے گا اور ذاکر کو بھلائی ملے گی۔